હોમતમાં જણાવેલ ગુનામાં સાબિત થયેલ ગુનો સમાઇ જાય ત્યારે

(૧) કોઇ વ્યકિત ઉપર કેટલીક બાબતોથી બનતા કોઇ ગુનાનું ત્હોમત મૂકવામાં આવે અને તેમાંથી અમુક જ બાબતો ભેગી થઇને કોઇ પૂરો નાનો ગુનો બનતો હોય અને તેવી બાબતો ભેગી થયાનું સાબિત થાય પણ બાકીની બાબતો સાબિત ન થાય ત્યારે તે નાના ગુનાનું ત્હોમત તેની ઉપર મૂકેલુ ન હોય તો પણ તેને તે નાના ગુના માટે દોષિત ઠરાવી શકાશે.

(૨) કોઇ વ્યકિત ઉપર કોઇ ગુનાનું ત્હોમત મૂકવામાં આવે અને તે ગુનાને નાનો બનાવે એવી હકીકત સાબિત થાય તો તેના ઉપર તે નાના ગુનાનું ત્હોમત મૂકેલું ન હોય તો પણ તેને તે ગુના માટે દોષિત ઠરાવી શકાશે.

(૩) કોઇ વ્યકિત ઉપર કોઇ ગુનાનું ત્હોમત મૂકવામાં આવે ત્યારે તે ગુનો કરવાની કોશિશ કરવાનું જુદુ ત્હોમત મૂકવામાં આવ્યું ન હોય તો પણ તેને તે ગુનાની કોશિશ કરવામાં માટે દોષિત ઠરાવી શકાશે.

(૪) જયારે કોઇ નાના ગુનાના સબંધમાં કાયૅવાહીની શરૂઆત માટેની આવશ્યક શરતો સંતોષાયેલ ન હોય ત્યારે તેવા કોઇપણ નાના ગુના માટે કોઇ દોષિત ઠરાવવાનો આ કલમના કોઇપણ મજકૂરથી અધિકાર મળતો હોવાનું ગણાશે નહી.